لساعة الذكية شاومي imilab kw66 من الساعات اللي مواصفاتها عالية وسعرها منافس، غالبا الساعات بتلاقي فيها دايما حاجة مش دقيقة في حساباتها لكن الساعة دي لحد دلوقت كويسة جدا، بستخدمها في حساب المسافة اللي بمشيها كل يوم وحساب السعرات الحرارية والنبض، خفيفة جدا وأحلى حاجة فيها حجم الشاشة الكبير والشاشة TFT بتعتبر احسن شاشة بعد الأموليد في دقتها لكن من الأنواع اللي بتستهلك البطارية، وسطوعها يعني زوايا الرؤية فيها واضحة جدا وألوان وشكلها حلو جدا في الاستخدام، بتنفع في كل الرياضات وبتدعم 13 رياضة، واخدة شهادة IP68 المقاومة للمياه لحد عمق 1.5 متر لمدة 30 دقيقة، بتراقب الصحة والنبض وقت النوم وبتقدر توجههك لنوم صحيح لو نومك متقطع، المشكلة بس إن مراقبة وقت النوم بتستهلك البطارية بشكل عالي، مافيهاش GPS، بتنفع مع نظام أندرويد و IOS، بطاريتها قوية لكن بتاخد وقت شحن ساعتين ومش بتدعم الشحن السريع وبتستمر من 11 ل 15 يوم حسب استخدامك.